sayo kaayo ko sa opisina ron. si tatay kay gusto unta siya makakita kang zem pero naa man gud ko sa parkinganan samtang ga chat mi. gahulat ko sa gawas kay sirado pa man ang opisina.

Samtang gahulat ko, nakapaminaw ko ug programa sa radyo bahin sa 1996 Immigration Law. Luoy baya ang ubang mga deportees/detainees kay ang implementasyon ani nga balaod ilahang gi inat nga bisag ang imong kaso kay ga drive ka sa imong sakyanan nga hubog, ibutang natog na priso ka ug isa ka tuig tungod sa imong silot , milabay ang kawhaan katuig pwede gihapon ka nila i-deport bahalag unsa pa ang imong sitwasyon kay retro active man ni nga balaod. mao nga pagbinuotan tawon mo kung gusto mo nga magpabilin diring nasura.

naa na sad koy pakighisgot ugma sa hapon. unta madawat na ko aning trabaho-a kay kapoy kaayo ning layo ka sa imong mga kaila, pamilya ug mga higala.

dugay na sad ko wala nakasulat nga sinugbuhanon ang akong gamit. makatawa lang ko usahay kay ang akong panghuna-huna ininglis na. mas makahinumdom pa ko kung unsaon ug pagbatbat sa ininglis kompara sa binisaya.

lisod baya nga ga inusara ka diri. tinood nga naa na koy pamilya pero dili buot ipasabot nga wala pa nako nakaplagan ang kalinaw ug kalipay nga akong gipangita. tingali gimingaw lang ko sa akong amahan. inahan ug mga igsoon, gimingaw sa lugar nga akong nadak-an. gimingaw sa kamanting crisis, kamais, sa pichu-pichi ni manang sa ILS, banana-cue, sa ocean deep nilang puyos, oval, patawag sa PLH , istambay sa comcen, lugasing, sa mga pagari, sleeping lady, 5th street, ang arroz kalbo ni Ganancial, na di nako mahuman ani …

bitaw uy, malipayon ko kay tininood ning gugma sa akong asawa ug wala ko niya gipakasli tungod sa akong kwarta … ha ha ha … was tawon koy datch! ambot kung kinahanglan ba ko maulaw kay murag ako na mang gitalikdan ang akong mga kagikan. ang ako lang pangandoy nga ang akong mga anak adunay kaikog nga makat-on sad sila sa pinulongan sa ilahang amahan.

mao ra to … sa sunod na sad.

• Tags: personal